ഇനി കളി കണ്ടുറങ്ങാം: നാളെ സ്കൂളുകൾക്കും കോളേജുകൾക്കും അവധി; വമ്പൻ പ്രഖ്യാപനവുമായി മുഖ്യമന്ത്രി
തിരുവനന്തപുരം: ഫിഫ ലോകകപ്പ് ഫൈനൽ മത്സരത്തിന്റെ പശ്ചാത്തലത്തിൽ സംസ്ഥാനത്തെ സ്കൂളുകൾക്കും കോളേജുകൾക്കും നാളെ സർക്കാർ അവധി പ്രഖ്യാപിച്ചു. കായികപ്രേമികളുടെയും വിദ്യാർത്ഥികളുടെയും ദീർഘനാളത്തെ ആവശ്യം പരിഗണിച്ചാണ് വിദ്യാഭ്യാസ സ്ഥാപനങ്ങൾക്ക് അവധി നൽകാൻ മുഖ്യമന്ത്രി വി.ഡി. സതീശൻ നേരിട്ട് നിർദ്ദേശം നൽകിയത്.
ലോകകപ്പ് ഫൈനൽ പ്രമാണിച്ച് അവധി നൽകുന്നതുമായി ബന്ധപ്പെട്ട് കഴിഞ്ഞ ദിവസങ്ങളിൽ മന്ത്രിസഭയിലെ പ്രമുഖ മന്ത്രിമാർ അനുകൂലമായ അഭിപ്രായപ്രകടനങ്ങൾ നടത്തിയിരുന്നു. തുടർന്ന് മുഖ്യമന്ത്രിയുടെ അധ്യക്ഷതയിൽ ചേർന്ന അടിയന്തര വിലയിരുത്തലിന് ശേഷമാണ് ഔദ്യോഗിക അവധി പ്രഖ്യാപിച്ചുകൊണ്ടുള്ള ഉത്തരവ് പുറത്തിറങ്ങിയത്. അർദ്ധരാത്രി നടക്കുന്ന ആവേശപ്പോരാട്ടം തത്സമയം കാണുന്ന ആരാധകർക്കും വിദ്യാർത്ഥികൾക്കും വലിയ ആശ്വാസമാകുന്നതാണ് സർക്കാരിന്റെ ഈ തീരുമാനം.
