“ജഡ്ജിയുടെ മകനല്ല, ആരുടെ മകനായാലും നിയമം എല്ലാവർക്കും ഒരുപോലെയാണ്” രമേശ് ചെന്നിത്തല
കൊച്ചിയിൽ ആഡംബര കാറിടിച്ച് ഹൈക്കോടതി അസിസ്റ്റന്റ് രജിസ്ട്രാർ വി.എ. ജോൺസൺ മരിച്ച സംഭവത്തിൽ പൊലീസ് നടപടികളിലും ജാമ്യനടപടികളിലും അടിമുടി ദുരൂഹതയെന്ന് നിയമസഭയിലും വ്യാപക പ്രതിഷേധം. പാവപ്പെട്ട തട്ടുകട നടത്തി ജീവിച്ചിരുന്ന വ്യക്തിയുടെ ദാരുണാന്ത്യത്തിന് കാരണക്കാരനായ പ്രായപൂർത്തിയാകാത്ത പ്രതിക്ക് രാത്രിക്ക് രാത്രി ജാമ്യം ലഭിച്ചതിനെതിരെ കുടുംബവും ബന്ധുക്കളും രംഗത്തുവന്നതിന് പിന്നാലെ, വിഷയം നിയമസഭയിലും കനത്ത ചൂടേറി ചർച്ചയായി.
“ജഡ്ജിയുടെ മകനല്ല, ആരുടെ മകനായാലും നിയമം എല്ലാവർക്കും ഒരുപോലെയാണ്”, പാവപ്പെട്ട ഒരു മനുഷ്യന്റെ മരണത്തിന് ഇടയാക്കിയ സംഭവത്തിൽ പൊലീസിന്റെ ഭാഗത്തുനിന്നുണ്ടായ വീഴ്ചകളെ സഭയിൽ ആഭ്യന്തര മന്ത്രി രമേശ് ചെന്നിത്തല രൂക്ഷമായി വിമർശിച്ചു
അർദ്ധരാത്രിയിൽ ജുവനൈൽ ജസ്റ്റിസ് ബോർഡ് പ്രതിക്ക് ജാമ്യം അനുവദിച്ച നടപടിയെ സഭയിൽ ശക്തമായി അപലപിച്ചു. പ്രതിയുടെ ജാമ്യം റദ്ദാക്കണമെന്ന് ആവശ്യപ്പെട്ട് ഇതിനകം തന്നെ മേൽക്കോടതിയിൽ അപ്പീൽ നൽകിയിട്ടുണ്ടെന്ന് സഭയിൽ വ്യക്തമാക്കി.
കൃത്യമായ വകുപ്പുകൾ ചേർത്ത് എഫ്.ഐ.ആർ തയാറാക്കാൻ വിമുഖത കാണിച്ച പൊലീസ് ഉദ്യോഗസ്ഥരെ കണ്ടെത്തുമെന്നും അവർക്കെതിരെ കർശന വകുപ്പുതല നടപടിയെടുക്കും
വാഹനം ഓടിച്ചത് പ്രായപൂർത്തിയാകാത്ത കുട്ടിയാണെങ്കിലും, വാഹനത്തിന്റെ ഉടമയായ ജഡ്ജിക്കെതിരെ നിയമപ്രകാരം കേസ് എടുത്തിട്ടുണ്ട്. ഈ വിവരം ഹൈക്കോടതി രജിസ്ട്രാറെ ഔദ്യോഗികമായി അറിയിച്ചിട്ടുമുണ്ട്.
പോലീസിന് തെറ്റുപറ്റിയാൽ തെറ്റുപറ്റിയെന്ന് തുറന്നുപറയാൻ തനിക്ക് മടിയില്ലെന്ന് ആഭ്യന്തര മന്ത്രി രമേശ് ചെന്നിത്തല
പോലീസിന് തെറ്റുപറ്റിയാൽ തെറ്റുപറ്റിയെന്ന് തുറന്നുപറയാൻ തനിക്ക് മടിയില്ലെന്ന് ആഭ്യന്തര മന്ത്രി രമേശ് ചെന്നിത്തല. എന്തുകൊണ്ടാണ് പ്രതിക്ക് എളുപ്പത്തിൽ ജാമ്യം ലഭിക്കുന്ന ലഘുവായ വകുപ്പുകൾ ചുമത്തിയതെന്ന് സംസ്ഥാന ഡി.ജി.പിയോട് (DGP) നേരിട്ട് ചോദിച്ചതായി സഭയിൽ വെളിപ്പെടുത്തി.
“എന്റെ അച്ഛന്റെ ചിതയണയുന്നതിനു മുമ്പ് കൊലപാതകത്തിന് ഉത്തരവാദിയായ പ്രതിക്ക് ജാമ്യം കിട്ടി; പാവപ്പെട്ടവനായതുകൊണ്ടാണോ ഈ നീതിനിഷേധം?” എന്ന മരിച്ച ജയ ബാലകൃഷ്ണൻ്റെ മകളുടെ ചോദ്യം കേരള മനഃസാക്ഷിയെ പിടികുലുക്കുന്നതായിരുന്നു. സംഭവത്തിൽ കുടുംബത്തിന് പൂർണ്ണ നീതി ഉറപ്പാക്കുമെന്നും കുറ്റക്കാർക്കെതിരെ ശക്തമായ നടപടി ഉണ്ടാകുമെന്നും സർക്കാർ ഉറപ്പുനൽകിയിട്ടുണ്ട്.
അതേസമയം പ്രതിയായ 17കാരന്‍റെ പിതാവ് അഡീഷനൽ ജില്ല ജഡ്ജിയെ പൊലീസ് ചോദ്യം ചെയ്തു. സംഭവവുമായി ബന്ധപ്പെട്ട വിശദാംശങ്ങൾ അന്വേഷണ സംഘം ഇയാളിൽനിന്ന് ചോദിച്ചറിഞ്ഞു.
ഒരു വിട്ടുവീഴ്ചയും ഉണ്ടാകില്ലെന്ന് എഡിജിപി പി വിജയൻ
ചേരാനല്ലൂര്‍ ബെന്‍സ് വാഹനാപകടക്കേസില്‍ ഒരു വിട്ടുവീഴ്ചയും ഉണ്ടാകില്ലെന്ന് എഡിജിപി പി വിജയൻ. വീഴ്ച വരുത്തിയ എല്ലാവര്‍ക്കും എതിരെ നടപടി ഉണ്ടാകും. ജഡ്ജി ആയാലും നിയമം നടപ്പിലാക്കേണ്ടവര്‍ ആയാലും നടപടി ഉണ്ടാകുമെന്നും എഡിജിപി പറഞ്ഞു.
വിഷയത്തില്‍ ഞങ്ങളുടെ നിലപാട് വളരെ വ്യക്തമാണ്. ഏതെല്ലാം രീതിയില്‍ ഇന്‍വോള്‍വ്‌മെന്റ് ആര്‍ക്കൊക്കെ ഉണ്ടെങ്കിലും വീഴ്ചയുണ്ടെങ്കിലും അവര്‍ക്കെതിരെയെല്ലാം ശക്തമായ നടപടി എടുക്കും. അത് ജഡ്ജ് ആയിരുന്നാലും വ്യത്യാസമുണ്ടാകില്ല. പൊലീസ് വിഷയം ഗൗരവതരമായാണ് എടുത്തിരിക്കുന്നത്. ആരുടെയടുത്ത് നിന്ന് വീഴ്ച ഉണ്ടായിട്ടുണ്ടെങ്കിലും, അത് ജഡ്ജ് ആയിരുന്നാലും നിയമം നടപ്പിലാക്കുന്ന പൊലീസ് ആയാലും ശക്തമായ നടപടിയുണ്ടാകും. മറ്റുകാര്യങ്ങള്‍ പരിശോധിച്ച ശേഷം പറയും – അദ്ദേഹം പറഞ്ഞു.
